აბუ-დაბის „საბრძოლო კუნძულზე“ UFC 257 გაიმართა. უდიდეს ინტერესს ივენთის მთავარი ბრძოლა იწვევდა, რომელშიც ერთმანეთ UFC-ს ორი დივიზიონის ექს-ჩემპიონი, კონორ მაკგრეგორი, დასტინ პორიეს დაუპირისპირდა.
ბრძილა „დაიმონდის“ სრული უპირატესობით წარიმართა და მეორე რაუნდში ირლანდიელს ტექნიკური ნოლაუტით, პროფესიონალურ კარიერაში მეხუთე მარცხი აგემა.
ნაცემი არ ვარ, მწარედ არ მომხვედრია, მაგრამ მეორე რაუნდში დასტინის დარტყმებმა, ფეხი გამითიშა და მუხლი დავკარგე.
იმედგაცრუებული ვარ, მაგრამ ამავდროულად ბედნიერი. ჩამოვედი ახლო აღმოსავლეთში და ყველაფერი გავაკეთე რომ მომეგო, არ გამოვიდა, დასტინი ფანტასტიური და ჭკვიანი მებრძოლია.
ახლა ერთი სული მაქვს გავაანალიზო შეცდომები და დავბრუნდე, რაც ადრეც გამიკეთებია და ახლაც იგივეს ვიზამ. ვგრძნობდი, რომ ‘კლინჩში’ უფრო ძლიერი ვიყავი და ბრძოლა ალბათ ამ სტილით უნდა წამეყვანა, დისტანცია უნდა შემემცირებინა, იდაყვები უფრო მეტად უნდა გამომეყენებინა, რაც პირველ რაუნდში რამდენიმეჯერ კარგად გამომივიდა, – განაცხადა კონორმა ბრძოლის შემგომ ინტერვიუში.
რაც შეეხება მთავარ პრესკონფერენციას, აქ უკვე ირლანდიელმა სამომავლო გეგმები გაგვიმხილა, მან დაგვიანონსა, რომ 2021-ში საკმაოდ აქტიური იქნება.
UFC-ის მოყვარულებისთვის, ეს შესანიშნავი ამბავია, რადგან კონორის ბრძოლები ამ ბოლოს დიდი იშვიათობა გახდა.
