რუსეთის პრემიერლიგას, 20 ტურის შემდეგ სატურნირო ცხრილს სანქტ-პეტერბურგის „ზენიტი“ ლიდერობს, რომელიც 8 მარტს ყაზანის „რუბინს“ გაეჯიბრება. სწორედ ეს დაპირისპირება არის შერაცხული ტურის ცენტრალუს მატჩად.
ნევისპირელებს, ამჟამად თავის დროზე რუსეთის ნაკრების ყოფილი ფეხბურთელი სერგეი სემაკი ავარჯიშებს, რომელიც „რუბინთან“ დაპირისპირებას სიფრთხილით ეკიდება და განსაკუთრებულ ყურადღებას ხვიჩა კვარაცხელიაზე ამახვილებს.
„რუბინი ძლიერი გუნდია და მთელი მატჩის მანძილზე ყურადღება არ უნდა მოვადუნოთ. ისინი განსაკუთრებით ძლიერები კონტრშეტევის დროს არიან, მითუფრო რომ ხვიჩა კვარაცხელია ჰყავთ. ხვიჩა საკმაოდ სწრაფი და სხარტია. ეჭვგარეშეა, რომ ამჟამად რუბინის ლიდერი სწორედ ის არის და მისგან ბევრ თავისტკივილს ველი. კვარაცხელია იდეალურ ფორმაშია და ვფიქრობ არაერთ პრობლემას შეგვიქმნის“ – ამბობს „ზენიტის“ დამრიგებელი სერგეი სემაკი ქართველ ფეხბურთელზე.
„რუბინმა“ წინა ტურში მოსკოვის „სპარტაკს“ სტუმრად 2:0 მოუგო და ხვიჩა კვარაცხელიაც მატჩის საუკეთესო ფეხბურთელად დასახელდა.
