მოახლოვდა სანაკრებო მატჩებიც. 2 და 6 ივნისს, ჯვაროსნები რუმინეთთან და ნიდერლანდებთან სტუმრად ორ ამხანაგურ მატჩს გამართავს.
თავისთავად, სანაკრებო სიაში იყო ხვიჩა კვარაცხელია, თუმცა რამდენიმე დღის წინ გაირკვა, რომ ნიჭიერი ქართველი ტალანტი ეროვნულ გუნდს ვეღარ დაეხმარება.
ხვიჩა კვარაცხელია სათამაშოდ და სრული დატვირთვებისთვის სათანადო მზადყოფნაში არ იყო. ამიტომაც, თავდაპირველად ის ინდივიდუალურად ვარჯიშობდა, მაგრამ შემდეგ სამწვრთნელო შტაბთან შეთანხმების საფუძველზე გადაწყდა, რომ ზედმეტი გართულებების თავიდან ასაცილებლად უკეთესია თუ ხვიჩა ამ ორ ამხანაგურ დაპირისპირებას გამოტოვებს.
ხვიჩა კვარაცხელიამ ამ გადაწყვეტილების მიზეზებზე ტელეკომპანია „იმედის“ ეთერშიც ისაუბრა და განმარტებები გააკეთა.
„ვილი სანიოლთან პირადი საუბარი მქონდა. ვფიქრობდი, რომ სათამაშოდ 100%-ით მზად არ ვიყავი და მანაც მირჩია, რომ რისკის ქვეშ არ გვეთამაშა. ამისთვის მადლიერი ვარ, რადგან სამწვრთნელი შტაბი ფეხბურთელის ჯანმრთელობაზეა კონცენტირებული, მეგობრული გარემოა, ეს კი წარმატების წინაპირობაა.
როცა ფეხბურთს უყურებ, მითუმეტეს, ეროვნული ნაკრებს მატჩს, რა თქმა უნდა, მინდება მოედანზე ვიყო, მაგრამ ახლა მეც მე-12 მოთამაშე ვიქნები და ჩვენს ბიჭებს, ჩვენს გუნდს, ასე ვუგულშემატკივრებ” – აღნიშნა ხვიჩა კვარაცხელიამ.
