ევროპის ჩემპიონატი შეიძლება ითქვას, რომ ნელ-ნელა ხურდება და გულშემატკივარიც მეტი ადრენალინის მოლოდინშია.
უკვე მეორე ტურის მატჩებიც გაჩაღდა, რომელთაგან ერთ-ერთი გამორჩეული უდავოდ დანიის და ბელგიის ნაკრებთა ჯახი იყო, რომელიც კოპენჰაგენში გაიმართა და სტუმართა გამარჯვებით 2:1 დასრულდა.
მატჩის მთავარი მოქმედი გმირი კევინ დე ბრუინი გახლდათ. ბელგიის ნაკრების და „მანჩესტერ სიტის“ ფეხბურთელმა დანიელთა კარში გამარჯვების გოლი გაიტანა.
,,ცხადია, გოლის გატანით ბედნიერი ვიყავი, მაგრამ ამავე დროს ჩემი მხრიდან არასწორი იქნებოდა მეზეიმა.
სწორი გადაწყვეტილება იყო პატივი მეცა სტადიონზე შეკრებილი გულშემატკივრებისთვის, რომლებიც კრისტიან ერიქსენის გამო ისედაც დამწუხრებულები იყვნენ.
ამიტომ მოედნის იმ ნაწილში მივედი, სადაც ერიქსენი შაბათს დაეცა და სიმშვიდე შევინარჩუნე. სხვაგვარად, გოლის აღნიშვნა სწორი არ იქნებოდა“ – ამბობს კევინ დე ბრუინი.
ამ გამარჯვებით ბელგიის ნაკრებს უკვე 6 ქულა დაუგროვდა და პლეიოფის საგზურიც დაიბევა. ჯგუფის დასკვნით მატჩს ლუკაკუ, დე ბრუინი და კომპანია ფინეთის ნაკრებთან გამართავს.
