ჯენარო გატუზოს ირგვლივ მუქი ფერებია. რა ხანია გაჩნდა მითქმა-მოთქმა მისი „ნაპოლის“ მთავარი მწვრთნელის პოსტიდან გათავისუფლებასთან დაკავშირებით. იტალიურმა მედიამ რამდენიმე სავარაუდო კანდიდატიც კი დაასახელა.
ნეაპოლიტანური გუნდი იტალიის თასის ფინალში რომ გასულიყო გატუზოს თავზე მოქუფრული შავი ღრუბელი შესაძლოა გაფანტულიყო, ახლა კი ის კიდევ უფრო დამუქდა. „ნაპოლი“ თასის ნახევარფინალში „ატალანტასთან“ გასვლაზე 1:3 დამარცხდა და ფინალშიც „იუვენტუსს“ ბერგამოული კლუბი დაუპირისპირდება.
ჯენარო გატუზო „ნაპოლში“ მის მომავალთან დაკავშირებით შემდეგ კომენტარეს აკეთებს:
„გემის კაპიტანი მე ვარ, ამიტომაც პასუხიმგებლობას არ გავურბივარ. მშიშარა ან ცუდი წინამძღოლი არცერთ გემრ არ სჭირდება.
ჩემს შესახებ ჭორებს შევეჩვიე. თქვენ ამბობთ, რომ მალე თანამდებობას დამატოვებინებენ? ამ კითხვაზე დაზუსტებით ვერ გიპასუხებთ. გუნდს ჰკითხეთ, მე არაფერი მსმენია.
მწვრთნელები ასეთ სიტუაციას შეგუებულნი ვართ. ხან მოგხსნიან, ხან ახალ სამუშაოზე ინიშნები. არა მგონია, რომ ნაპოლში ჩემი დღეები დათვლილი იყოს. ახლა მხოლოდ საქმეზე და გუნდის წარმატებაზე ვფიქრობ“ – ამბობს ჯენარო გატუზო.
