პსჟ-მ „როსონერის“ 22 წლის მეკარის, ჯანლუიჯი დონარუმას ტრანსფერზე შეთანხმებას მიაღწია და იგი უახლოეს დღეებში სამედიცინო შემოწმებას გაივლის. ამის შესახებ ინფორმაციას გავლენიანი სპორტული ჟურნალისტი, ფაბრიციო რომანო აქვეყნებს:
„ჯანლუიჯი დონარუმა, როგორც პსჟ-ს ახალი მოთამაშე სამედიცინო შემოწმებას შემდეგ კვირაში გაივლის, სავარაუდოდ, იტალია-შვეიცარიის მატჩის შემდეგ. იურისტებსა და პსჟ-ს ბორდის წევრებს შორის ხელშეკრულება 2026 წლის ივნისამდე თითქმის გაფორმებულია“, – განაცხადა რომანომ.
ცნობისთვის, იტალიელმა მეკარემ გასულ სეზონში ყველა ტურნირზე 48 მატჩი ჩაატარა და 15-ჯერ კარი მშრალად შეინახა. ამჟამად იგი იტალიის ნაკრებთან ერთად ევროპის ჩემპიონატზე იმყოფება.
