ევროპის 2020 წლის ჩემპიონატის გახსნით შეხვედრაში, რომელშიც იტალიის ნაკრებმა თურქეთს, საშინაო კედლებში, რომში, „სტადიო ოლიმპიკოზე“ 3:0 აჯობა. ამ შეხვედრაში „სკუადრა აძურას“ მეკარემ, ჯანლუიჯი დონარუმამ ისტორიული შედეგი დააფიქსირა.
საქმე იმაშია, რომ „მილანის“ აწ უკვე ყოფილი კარის დარაჯი თავისი ნაკრების ისტორიაში ყველაზე ახალგაზრდა ფეხბურთელი გახდა, რომელმაც დიდ ტურნირზე (კონტინენტისა და მსოფლიოს პირველობა) მონაწილეობა მიიღო.
მატჩის ჩატარების დღეს დონარუმა 22 წლისა და 106 დღის გახლდათ, რაც იტალიელთა ისტორიაში სარეკორდო მაჩვენებელია. აქამდე, ამ შედეგს ჯორჯო ღეცი ფლობდა, რომელმაც დიდი სანაკრებო ტურნირზე 23 წლისა და 342 დღის ასაკში ითამაშა.
რაც შეეხება დონარუმას მოსახელე და იმავე პოზიციაზე მოთამაშე ლეგენდარულ ჯანლუიჯი ბუფონს, მისი დებიუტი დიდ ფორუმზე ეროვნული გუნდის მაისურით 24 წლისა და 126 დღის ასაკში შედგა.
