საქართველოს ეროვნული ნაკრების კაპიტანი, 35 წლის ჯაბა კანკავა ეროვნულ ნაკრებში მე-100 მატჩს ითამაშებს. ეს ფაქტი 8 წლის წინ გამართული ამხანაგური თამაშის გამო საკამათოა.
საქმე იმაშია, საქართველოს ნაკრებმა ამხანაგურ მატჩში სტუმრად ალბანეთი 2:1 დაამარცხა. ჯაბა კი მოედანზე შესვენების შემდეგ გამოჩნდა. ამ შეხვედრაში თემურ ქეცბაიამ ერთბაშად 7 ცვლილება განახორციელა, მაშინდელი ფიფას წესებით კი A კატეგორიის ამხანაგურ მატჩებში მხოლოდ 6-6 შეცვლა იყო ნებადართული. შესაბამისად, ეს შეხვედრა ფიფამ გააუქმა.
ჯაბა კანკავას, ეროვნულ ნაკრებში დებიუტი 18 წლის ასაკში ჰქონდა, 99 მატჩი აქვს ჩატარებული, თუმცა ერთს ფიფა არ უთვლის.
ჯაბა კანკავამ 33 მატჩი ევროპის ჩემპიონატის საკვალიფიკაციო შეხვედრებში ჩაატარა, 23 მუნდიალის, 10 უეფას ერთა ლიგაზე და 33 ამხანაგურებში.
ცნობისთვის, საქართველოს ეროვნულ ნაკრებში 100 კეპი მხოლოდ ლევან კობიაშვილს აქვს.
