კვირას 19 სექტემბერს “ვალენსია” მადრიდის “რეალს” “მესტალიაზე” უმასპინძლებს. ესპანური მედიის ცნობით ვალენსიელთა კარს გიორგი მამარდაშვილი დაიცავს. მე-5 ტურის ამ ცენტრალური მატჩის წინ ესპანურმა გამოცემა AS-მა 20 წლის ქართველ მეკარეს სტატია მიუძღვნა.
“მანუელ ნოიერს აღმერთებს, მაგრამ მას თავისი სიმაღლისა და კონდიციების გამო ბევრი ტიბო კურტუას ამსგავსებს. მამარდაშვილი (1.99 მეტრი) და კურტუა (2 მეტრი) ლა ლიგის ყველაზე მაღალი მეკარეები არიან და კვირას ისინი ერთმანეთს დაუპირისპირდებიან.
რივერო, დომენეკი, სილესენი, მამარდაშვილმა ყველას აჯობა, ისარგებლა თავისი კარგი ფორმით და კონკურენტების ტრავმებით და ბორდალასის ნდობა მოიპოვა. მწვრთნელიც ენდო და გიორგი უკვე ამ სეზონის ერთ-ერთი სენსაციაა.
მამარდაშვილი მანუელ ნოიერის ფანია, მაგრამ ბევრი მას უკვე ტიბო კურტუას ამსგავსებს. გიორგი სიმაღლეში 199 სანტიმეტრია და ცაციაა. ძალიან თავდაჯერებულია და მოქნილი. ისე გამოიყურება, როგორც მადრიდელთა კიპერის ტყუპისცალი კოშკი, რადგან კურტუაც ცაციაა და სიმაღლეში მხოლოდ ერთი სანტიმეტრით უფრო მაღალია, ვიდრე ქართველი. გიორგი და ტიბო ლა ლიგის კოშკები არიან.
კვირას ისინი ერთმანეთის წინააღმდეგ წარდგებიან. სხვათა შორის, “ტრანსფერმარკტის” მიხედვით, კურტუას სატრანსფერო ღირებულება ახლა 60 მილიონი ევროა, მამარდაშვილის კი – 800 000 ევრო.”, – წერს ესპანური გამოცემა.
