ნიდერლანდებში მიმდინარე ფუტსალის ევროპის ჩემპიონატზე, რამდენიმე დღის წინ რუსეთისა და საქართველოს მატჩს ფეხბურთის ეროვნული ნაკრების მთავარი მწვრთნელი ვილი სანიოლი დაესწრო.
აღნიშნული ფაქტის ამსახველი ფოტომასალა სფფ-ს Instagram გვერდზე განთავსდა, სადაც მომხმარებელმა ვილი სანიოლს ზვიად კუპატაძეს ეროვნულ ნაკრებში გამოძახება სთხოვა. ფრანგმა სპეციალისტმა გულშემატკივარს ორიგინალური პასუხი გასცა:
“მე არ შემიძლია, ის ამისთვის ძალიან ახალგაზრდაა.” – წერს ვილი სანიოლი.
შეგახსენებთ, რომ 42 წლის ზვიად კუპატაძემ რუსეთის ნაკრების წინააღმდეგ 19 სეივი შეასრულა და უმაღლესი დონის შეხვედრა ჩაატარა.
