საქართველოს პრემიერ-მინისტრმა, ირაკლი ღარიბაშვილმა ლაშა ტალახაძეს რუსეთის დედაქალაქ მოსკოვში მოპოვებული წარმატება მიულოცა. ირაკლი ღარიბაშვილმა მისალოცი წერილი საკუთარ Facebook-გვერდზე გაავრცელა, რომელსაც უცვლელად გთავაზობთ:
„გილოცავთ! ლაშა ტალახაძე (+109 კგ) ევროპის ჩემპიონია! ქართველმა ძალოსანმა მოსკოვში გამართულ ევროპის ჩემპიონატზე, ორჭიდის ჯამში 485 კგ (ატაცი – 222, აკვრა -263) დაძლია და ოქროს მედალი მოიპოვა!
ლაშამ ატაცში 222 კილოგრამის აწევით ახალი მსოფლიოს რეკორდი დაამყარა და ოქროს მედალიც მოიგო. მანვე დაისაკუთრა აკვრაში გათამაშებული ოქროს მედალი და ჯამში საქართველოს ნაკრებს სამი ოქრო მოუტანა.
საქართველოს ძალოსანთა ნაკრებს მომავალ შეჯიბრებებში წარმატებას ვუსურვებ!“ – ნათქვამია განცხადებაში.
3 ოქროს მედალი და ახალი მსოფლიო რეკორდი! – ტალახაძის ტრიუმფი მოსკოვში (VIDEO)
