ლონდონის „არსენალის“ ნახევარმცველი, მესუთ იოზილი კარიერას „ფენერბახჩეში“ გააგრძელებს. ინფორმაციას თურქული სააგენტო NTVSpo ავრცელებს.
მათივე ცნობით, 32 წლის ფეხბურთელმა თურქულ კლუბთან 3.5 წლიანი კონტრაქტი გააფორმა და გუნდს იანვრის სატრანსფერო ფანჯრის მიმდინარეობისას შეუერთდება.
ბოლო პერიოდის განმავლობაში, იოზილის ლონდონური კარიერა კარგად ვეღარ მიდიოდა. არსენალის მთავარმა მწვრთნელმა, მიკელ არტეტამ წარმოშობით თურქი ფეხბურთელი გუნდიდან მოკვეთა და ის განაცხადშიც ვერ ხვდებოდა.
დეკემბერში აქტიურად იწერებოდა იოზილის „არსენალიდან“ წასვლაზე. 32 წლის ფეხბურთელს MLS-ის კლუბ, „დი სი იუნაიტედსაც“ უკავშირებდნენ, თუმცა ფეხბურთელმა არჩევანი თურქულ კლუბზე შეაჩერა.
მესუთ იოზილი „არსენალში“ მადრიდის „რეალიდან“ 2013 წელს გადავიდა. „მეთოფეების“ მაისურით მან საერთო ყველა ტურნირზე 184 მატჩი ჩაატარა და 33 გოლი გაიტანა.
გერმანიის ეროვნულ ნაკრებში იოზილი 2009/2018 წლებში თამაშობდა. ამ დროის განმავლობაში, მან რეკორდმეისტერის შემადგენლობაში 92 შეხვედრა ითამაშა და 23 გოლის გატანა შეძლო.
