„ლივერპულის“ ლეგენდარული კაპიტანი, სტივენ ჯერარდი, რომელიც ამჟამად შოტლანდიურ გლაზგო „რეინჯერსს“ წრთვნის და საკმაოდ წარმატებითაც, სამომავლოდ მერსისაიდელთა თავკაცობას არ გამორიცხავს.
არაჩვეულებრივმა ინგლისელმა ფეხბურთელმა, რომელმაც თითქმის მთელი კარიერა „ლივერპულში“ გაატარა, ჩემპიონთა ლიგაც მოიგო, ხოლო დასასრულს მცირე ხნით ამერიკულ „ლოს ანჟელეს გალაქსში“ გააგორა ბურთი ოცნებას არ მალავს და მშობლიურ კლუბში დაბრუნების იმედი აქვს.
„ამ კითხვას ხშირად მისვამენ. მე ყოველთვის მჯეროდა ბედისწერის. ამიტომაც მოვლენებს წინ ვერ გავუსწრებ. რაც მოხდება, მოხდება.
მეკითხებით მინდა თუ არა ერთხელაც „ლივერპულის“ მწვრთნელი გავხდე? რა თქმა უნდა მსურს. ეს ჩემი ოცნებაა. „ლივერპული“ ჩემი გულია და მოხარული ვარ, რომ ამჟამად მას მსოფლიოში ერთ-ერთ საუკეთესო სპეციალისტი წრთვნის.
დღემდე ვუყურებ ლივერპულის თამაშებს. მისდამი ჩემი სიყვარული არასოდეს განელდება. როდესაც ადრე თუ გვიან იურგენ კლოპი გუდნიდან წავა, ვაკანტურ თანამდებობაზე საუკეთესო სპეციალისტთა რიგი დადგება. მათთან კონკურენციაში გამიჭირდება, რადგან ვფიქრობ საუკეთესო კანდიდატი არ ვიქნები“ – ამბობს სტივენ ჯერარდი.
