ბათუმის “დინამოს” დირექტორმა არჩილ ბერიძემ ფან-კლუბის იუბიელსთან დაკავშირებით საინტერესო განცხადება გააკეთა:
“ჩვენი გუნდის განსაკუთრებულ გულშემატკივრებს – “შავი ზღვის მეკობრეებს” მინდა მივულოცო მე -10 დაბადების დღე და ბედნიერი, ჯანმრთელი და გამარჯვებებით აღსავსე მომავალი ვუსურვო
მეამაყება, რომ დინამო ბათუმს სამაგალითო ფან-კლუბი ყავს და უზომოდ მადლიერი ვარ იმ უანგარო მხარდაჭერისთვის რასაც კლუბის მიმართ იჩენთ.
გასული 10 წლის განმავლობაში ჩვენ ერთად უამრავი დაბრკოლება და წინაღობა გადავლახეთ, ათასობით კილომეტრი დავფარეთ და ეს კლუბი არასდროს ყოფილა მარტო
დღეს უკვე წარმოუდგენელია დინამო ბათუმი „შავი ზღვის მეკობრეების“ გარეშე. ამ კლუბის სათავეში ჩემი და ჩემი გუნდის მოსვლის ერთ-ერთი უმთავრესი მიზეზი და მამოძრავებელი იყო და არის ბათუმელი გულშემატკივარი, სხვადასხვა თაობის და სხვადასხვა ემოციის მატარებელი გულშემატკივარი რომელიც მაგალითს სწორედ „შავი ზღვის მეკობრეებისგან“ იღებს და ახალი დინამო ბათუმის სიყვარულს სწავლობს.
ჩვენ ერთი გემის საჭეს ვმართავთ, და წარმატების ნავსადგურშიც ერთად შევცურავთ. მინდა იცოდეთ, რომ თავს ახლაც რიგით „მეკობრედ“ ვთვლი და მოუთმენლად ველოდები დღეს როცა ისევ დავდგები თქვენთან ერთად ტრიბუნაზე და ისევ შევიგრძნობ ნამდვილი გულშემატკივრობის სიხარულს.
კიდევ ერთხელ გილოცავთ საიუბილეო თარიღს და იმედი მაქვს დაბადების დღის საჩუქრის სახით სეზონის ბოლოს ჩემპიონობას გისახსოვრებთ.”- განაცხადა ბერიძემ
