მიმდინარე სეზონში რომ „ლივერპული“ საკუთარ თავს არ ჰგავს არახალი ამბავია. მერდისაიდელებს კრიზისული პერიოდი უდგათ, რაც პრემიერლიგაში ნაჩვენები შედეგებითაც ნათლად ჩანს. ყველაფერს რომ თავი დავანებოთ, „ლივერპულმა“ ინგლისური საკლუბო ფეხბურთის ერთ-ერთი ანტირეკორდი დაამყარა. იურგენ კლოპის შეგირდებმა მოქმედი ჩემპიონის რანგში საკუთარ მოედანზე ზედიზედ 5 მატჩი წააგეს, რაც აქამდე არასდროს მომხდარა.
არის იმის საშიშროება, რომ „ლივერპული“ მომდევნო სეზონში ჩემპიონთა ლიგის გარეშე დარჩეს. ჯერ პრემიერლიგის დასრულებამდე ჯერ კიდევ დროა, მაგრამ თუ გერმანელი სპეციალისტი სიტუაციას დროულად არ გამოასწორებს, შესაძლოა მერე გვიან იყოს და „ლივერპული“ მართლაც ოთხეულს მიღმა აღმოჩნნედ. ამჟამად მერსისაიდელები მე-7 ადგილზე არიან და ჩემპიონთა ლიგის ზონას 4 ქულით ჩამორჩებიან.
იურგენ კლოპი ამ საკითხთან დაკავშირებით საკმაოდ საინტერესო კომენტარს აკეთებს.
„ჩვენ ჯერ კიდევ ქვეყნის მოქმედი ჩემპიონები ვართ. ამიტომ, სეზონის დაწყებამდე მთავარი მიზანი ტიტულის შენარჩუნება იყო, ოთხეულში მოხვედრას არც განვიხილავით, რადგან ეს განხილვაც ისედაც არ ექვემდებარებოდა.
ჩვენი მიდგომა ფეხბურთელებთან საკმაოდ ლოიალური და მეგობრულია, თუმცა მომთხოვნიც ვარ. ვერ წარმომიდგენია რომელიმე ფეხბურთელმა მითხრას, რომ თუ მომდევნო სეზონში ჩემპიონთა ლიგაზე არ ვიქნებით, მაშინ ის გუნდს დატოვებს. ასეთი რამ არ მოხდება.
ლივერპულში ყოფნა ყველასთვის დიდი პრესტიჟი და პასუხისმგებლობა უნდა იყოს. მწვრთნელით დაწყებული, ნებისმიერი ფეხბურთელით დამთავრებული. მე არ მჭირდება ისეთი ფეხბურთელი, რომელიც აქ მოსვლა იმიტომ არ ენდომება, რომ შესაძლოა მომდევნო წელს ჩემპიონთა ლიგაზე ვერ ვიასპარეზოთ. იგივეს ვიტყვი უკვე გუნდში მყოფებზეც. მიმდინარე სეზონის დასრულების შემდეგ თუ ოთხეულში ვერ მოვხვდებით და შესაბამისად ლიგის საგზურიც არ გვექნება, ხოლო ამის გამო ვინმე პრეტენზიას გამოთქვამს და წასვლა მოუნდება არ შევაჩერებ, წავიდეს“ – ამბობს იურგენ კლოპი.
