შარლოტის ახალწვეულმა ფორვარდმა გორდონ ჰეივარდმა აღიარა, რომ მთავარი მიზეზი რის გამოც მან ჰორნეთსში გადასვლა გადაწყვიტა კლუბის მფლობელი მაიკლ ჯორდანი იყო.
NBA-ს ექვსგზის ჩემპიონმა ჰეივარდს შეტყობინება გაუგზავნა და ამასთანავე ორჯერ დაურეკა იმ იმედით, რომ იგი შარლოტ ჰორნეთსში გადასვლაზე დაეთანხმებინა. ექვსი წლის წინ, ჯორდანმა ჰეივარდს 4-წლიანი 64 მილიონი დოლარიანი გარიგება შესთავაზა, მაგრამ მაშინ იუტამ კონტრაქტის დეტალები გაიმეორა და ფორვარდი შეინარჩუნა.
”მან დაწერა, რომ ის ჩემს გადაბირებას მრავალი წლის განმავლობაში ცდილობდა.
მან უბრალოდ მითხრა, თუ როგორ მოხარული იქნებოდა, თუ მასთან შარლოტში გადავიდოდი. ის ფიქრობს, რომ შემიძლია რადიკალურად შევცვალო სიტუაცია და სერიოზულად დავეხმარო გუნდს. ეს იყო მთავარი იდეა – მე უნდა დავეხმარო გუნდს შემდეგ ეტაპზე გადასვლაში, იმედია ეს გამოგვივა”, – თქვა ჰეივარდმა.
გორდონი წლების განმავლობაში იუტა ჯაზის ლიდერი იყო, თუმცა საბოლოოდ ის თავისუფალი აგენტის როლში დატოვა და ყოფილ მწვრთნელ ბრედ სტივენსთან ბოსტონში გადავიდა.
ჰეივარდისთვის სამწუხაროდ სტივენსთან თანამშრომლობა ისეთივე პროდუქტიული არ გამოდგა, როგორც ეს ბატლერ ბულდოგსში იყო. აღსანიშნავია, რომ გორდონმა სელტიკსში პირველივე მატჩში კლივლენდის წინააღმდეგ უმძიმესი დაზიანება მიიღო, მან კოჭი მოიტეხა და ძალიან დიდი ხანი გაუცდა.
ალბათ ეს უიღბლობაც იყო იმის მიზეზი, რომ მან ბოსტონში შესაძლებლობების გამოვლენა ვერ მოახერხა. ახლა მისთვის კარიერის ახალი ეტაპი იწყება და იმედოვნებს, რომ წარმატებული იქნება, ვნახოთ რამდენად გამოუვა.
