PrimeSport.ge გთავაზობთ NBA-ს გასული სათამაშო დღის ყველა მიმოხილვას ერთ სივრცეში.
გოლდენ სტეიტ უორიორსი 114:91 სან ანტონიო სპურსი
სტეფმა და მისმა მეგობრებმა, ზედიზედ მეორე მატჩში სან ანტონიოს ამჯერად მოუგეს. მთავარი გმირი რათქმაუნდა სწორედ კარი იყო, რომელმაც მეტოქეს 32 ქულა ჩაუგდო.
აღსანიშნავია, რომ „მებრძლებმა“ მთავარ ვარსკვლავს მხარი კარგად აუბეს და მის გარდა 10 ქულიან ზღვარს კიდევ 6-მა კალათბურთელმა გადააბიჯა.
ბრუკლინ ნეთსი 111:122 დეტროიტ პისტონსი
კევინ დურანტის გარეშე მოთამაშე ბრუკლინ ნეთსმა პისტონსს წინააღმდეგობა ვერ გაუწია და დამარცხდა. კაირი ირვინგი და ჯეიმს ჰარდენი ეცადნენ, ჯამში 50 ქულა დააგროვეს, თუმცა ეს საკმარისი არ გამოდგა. აღსანიშნავია „წვერიანის“ 5 დაფარებაც, რაც მის პროფესიონალურ კარიერაში საუკეთესო შედეგია.
„მოტორ სიტის“ წარმომადგენელთაგან საუკეთესო ტრადიციულად ჯერამი გრანტი იყო, რომელმაც გუნდს 32 ქულა შესძინა. რაც შეეხება ბლეიკ გრიფინს, მას საშინელი რეგრესი აქვს და ამის დანახვა შეუიარაღებელი თვალითაც კარგად შეიძლება 31 წუთში 9 ქულა 5 მოხსნა და სამი ჩაჭრა.
ნიუ იორკ ნიქსი 96:98 მაიამი ჰიტი
ზემოთნახსენები პისტონსი დატოვა და დაბრუნების შემდეგ ნიქსში პირველ მატჩს ატარებდა, ყოფილი MVP დერიკ როუზი. ის ნიქსში 4 ნომრიანი მაისურით ითამაშებს, ხოლო ამ შეხვედრაში კარგად ნაცნობმა ტომ ტიბოდომ ის სათადარიგო სკამიდან ჩართო და 20 წუთი დაუთმო, რა დროშიც 14 ქულა და 3 ასისტი მოაგროვა.
ზოგადად მატჩი საკმაოდ დაძაბული გამოდგა და ნიქსი გამარჯვების, ან გათანაბრების შანსს ბოლო წამამდე ინარჩუნებდა, თუმცა ჯიმი ბატლერი (26 ქ/10ა/8მ) და მისი მეგობრები ასე არ ფიქრობდნენ.
ჰიუსტონ როკეტსი 101:130 ნიუ ორლეანს პელიკანსი
ზაიონ უილიამსონის და ბრენდონ ინგრემის პელიკანსმა, ჯონ ვოლის და ერიკ გორდონის ჰიუსტონისგან „ქვა-ქვაზე არ დატოვა“.
გამოსარჩევია ჯოშ ჰარტის კარგი თამაში, რომელიც მატჩში სათადარიგო სკამიდან ჩაერთო და მოედანზე ჯამში 40! წუთი გაატარა, მან გუნდს 20 ქულა და 17 მოხსნა შესძინა.
ბოსტონ სელტიკსი 108:122 იუტა ჯაზი
იუტა ჯაზი შესანიშნავ სვლას განაგრძობს. მათი მსხვერპლი ამჯერად საკმაოდ ტალანტური ბოსტონ სელტიკსი გამოდგა, რომელმაც ბევრს ეცადა, თუმცა მესამე მეოთხედში გატყდა და მეტოქეს გაქცევის შანსი მისცა.
ტრადიციულად შესანიშნავი იყო დონოვან მიჩელი, რომელსაც ორმაგ დუბლამდე ერთი შედეგიანი გადაცემა დააკლდა, მან მატჩი 36 ქულით დაასრულა.
ორლანდო მეჯიქი 97:106 პორტლენდ ტრეილ ბლეიზერსი
პორტლენდელებმა ფლორიდელებს პირველივე მეოთხედში აგრძნობინეს, რომ ამ თამაშის გამარჯვებული სწორედ ისინი იქნებოდნენ.
ტრადიციულად გამორჩეული იყო დემიენ ლილარდი, რომელმაც გუნდს 36 ქულით შეეწია, ხოლო ვეტერანი კარმელო ენტონი თამაშში სათადარიგო სკამიდან ჩაერთო და ანგარიშზე 23 ქულაა, ასევე გამოსარჩევია მისი 3 დაფარება.
ფილადელფია სიქსერსი 119:111 საკრამენტი კინგსი
ფილადელფიელთა დიდი ტრიო (ემბიდი, სიმონსი, ჰარისი) ამ მატჩში მოწოდების სიმაღლეზე იყო. მათგან ორმა, ემბიდმა და ჰარისმა მატჩი ორმაგი დუბლით დაასრულა.
რაც შეეხებათ „მეფეებს“ მათგან ყველაზე აქტიური, ტრადიციულად რეაქტიული დ’აარონ ფოქსი იყო, რომელმაც მატჩი 36 ქულით, 10 შედეგიანი გადაცემით და 6 მოხსნით დაასრულა, თუმცა თანაგუნდელებისგან მხარდაჭერა ვერ იგრძნო.
