მაინც განხორციელდა. რა ხანია საფეხბურთო სამყაროში, კერძოდ კი ბობოლა კლუბებში ეს იდეა მუსირებს. საუბარია ევროპის სუპერლიგაზე, რომელიც უკვე ოფიციალურად დაარსდა.
სუპერლიგის შექმნას ბუნებრივია მოწინააღმდეგეებიც ჰყავს. განსაკუთრებით ფიფას და უეფას სახით, თუმცა არა მხოლოდ ისინი. ის საფეხბურთო სამყაროს არც სხვა წარმომადგენლებს მოსწონთ
მოკლედ, სუპერლიგა როგორც ზემოთ ავღნიშნეთ უკვე ოფიციალურად შეიქმნა და მისი პრეზიდენტი ფლორენტინო პერესი იქნება, ხოლო ვიცე-პრეზიდენტი ჯოელ გლეიზერი.
უკვე ოფიციალურად მოქმედებს სუპერლიგის ოფიციალური ვებგევრდიც. იქიდან კი ვიგებთ, რომ პირველ გათამაშებაში მონაწილეობას უეჭველი მიიღებებენ – „მილანი“, „არსენალი“, „ატლეტიკო“, „ჩელსი“, „ბარსელონა“, „ინტერი“, „იუვენტუსი“, „ლივერპული“, „სიტი“, „იუნაიტედი“, „რეალი“ და „ტოტენჰემი“. შესაბამისად აღნიშნული კლუბები სუპერლიგის დამფუძნებლებიც არიან.
რაც შეეხება ფორმატს. ზემოთჩამოთვლილი გუნდების გარდა ტურნირში სხვა გუნდებიც ჩაერთვებიან, რომელთა ვინაობაც მოგვიანებით გაირკვევა. ჯამში კი 20 გუნდი ორ ჯგუფში, 10-10 გუნდად გადანაწილდება და გასვლა-სახლის პრინციპით, წრიული სისტემით ითამაშებს. ჯგუფების 3-3 საუკეთესო გუნდი 1/4 ფინალში გავა, კიდევ ორი გუნდი კი დამატებითი პლეი-ოფით გამოვლინდება. ვიცით ისიც, რომ „სუპერ ლიგის“ მატჩები შუა კვირაში ჩატარდება.
