ევროპა ლიგაც დალაგდა

ჩემპიონთა ლიგის კვალდაკვალ, ქალაქ ნიონში, უეფას შტაბ-ბინაში ევროპა ლიგის მეოთხედფინალური ეტაპის წილისყრაც გაიმართა, სადაც ასევე საინტერესო წყვილები გამოიკვეთა.

იმ 8 გუნდიდან, რომლებიც რანგით მეორე ევროპული საკლუბო ტურნირის ამ ეტაპზე გავიდნენ, რამდენიმე მათგანი ჩემპიონთა ლიგასაც დაამშვენებდა. უფრო მეტიც – თუნდაც „მანჩესტერ იუნაიტედი“ ავიღოთ, რომელიც მიმდინარე გათამაშების ჯგუფურ ეტაპზე ჩარჩა და ევროპა ლიგაზე ამიტომაც გადმოინაცვლა. ლონდონის „არსენალი“, იტალიური „რომა“, ამსტერდამის „აიაქსი“ – ეს გუნდებიც ხომ ჩემპიონთა ლიგის ხშირი ბინადარნი არიან.

მოკლედ, ჩემპიონთა ლიგის მეოთხედფინალური წყვილებისა არ იყო, აქაც საინტერესო მატჩები გველის. ბურთულები კი კალათიდან ჯერ კიდევ მოქმედმა ფეხბურთელმა გაელ კლიშმა ამოიღო, რომელიც შვეიცარიულ „სერვეტში“ თამაშობს.

გრანადა – მანჩესტერ იუნაიტედი

არსენალი – სლავია

აიაქსი – რომა

ზაგრების დინამო – ვილიარეალი

მეოთხედფინალური მატჩები 8 და 15 აპრილს გაიმართება, ხოლო ფინალი, 26 მაისს, პოლონეთის ქალაქ გდანსკში შედგება.

ნახევარფინალში გრანადა-მანჩესტერ იუნაიტედის გამარჯვებული, აიაქსი-რომას შორის უკეთესს შეხვდება, ხოლო შესაბამისად დინამო-ზაგრებს შორის მოგებული ურთიერთობას არსენალი-სლავიას წყვილის გამარჯვებულთან გაარკვევს.