სეტონ ჰოლის ქართველი ლიდერი სანდრო მამუკელაშვილი, NCAA-ის ერთ-ერთი ყველაზე პრესტიჟული ინდივიდუალური ჯილდოს, კარლ მელოუნის პრიზის ფინალისტია, ის კოლეჯთა ლიგის ფანებმა შეარჩიეს.
KARL MALONE AWARD კოლეჯთა ლიგის საუკეთესო მძიმე ფორვარდს გადაეცემა. გამარჯვებულს, 9 აპრილს დიდების დარბაზის კომიტეტი დაასახელებს, თუმცა ფანების ხმებიც იქნება გათვალისწინებული. ხუთივე პოზიციაზე კოლეჯთა ლიგის საუკეთესო მოთამაშეს ESPN-ის პირდაპირ ეთერში დაასახელებენ.
სანდროს კონკურენტები ჯასტინ ჩემპეინი (პიტსბურგი), ტრეის ჯეკსონ-დევისი (ინდიანა), დრიუ ტიმი (გონზაგა) და ჯერემაია რობინსონ-ერლი (ვილანოვა) იქნებიან.
Naismith Memorial Basketball Hall of Fame Announces Five Finalists for 2021 @TheDeliverer_32 Award. #MaloneAward
Fan voting presented by @DellTech goes live Friday at 1pm EST.
📰: https://t.co/YyQVKQL6tm pic.twitter.com/kQMm5xiZ4J
— Basketball HOF (@Hoophall) February 25, 2021
აღსანიშნავია, რომ სეტონ ჰოლის კალათბურთელები ასეთი მიღწევებით განებივრებული არ არიან და ეს გუნდის ისტორიაში მხოლოდ მე-4 შემთხვევაა, როცა რომელიმე კალათბურთელი სეზონის საუკეთესო ხუთეულის ფინალისტ კანდიდატად დაასახელეს.
21 წლის ქართველი ბიგმენი 2020/21 წლების სეზონში საშუალოდ 17.8 ქულას, 7.1 მოხსნასა და 3.1 შედეგიან გადაცემას აგროვებს. Big East-ის კონფერენციის მოთამაშეთა რეიტინგში სანდრო 81.32 ქულით პირველ ადგილზეა.
