ევროპა ლიგაზე გოლების რეკორდი რომ დაფიქსირდა ეს უკვე გამცნეთ, თუმცა 1/16 ფინალური ეტაპი მხოლოდ ამით არ ყოფილა გამორჩეული.
2021 წლის 25 თებერვალი განსაკუთრებით მნიშვნელოვანი „რომას“ ფორვარდ ედინ ჯეკოსთვის გამოდგა და ვფიქრობთ მის მეხსიერებაში სამუდამოდ ჩაიბეჭდება.
საქმე იმაში გახლავთ, რომ ბოსნიელმა ფეხბურთელმა რომაული გუნდის ცოცხალი ლეგენდის ფრანჩესკო ტოტის მაჩვენებელი გააუმჯობეს. ამ ფაქტის ყურადღები მიღმა დატოვება კი რა თქმა უნდა არ ეგების.
„რომამ“ საკუთარ მოედანზე „ბრაგას“ 3:1 მოუგო და მომდევნო ეტაპზე აუღელვებლად გავიდა. პორტუგალიური გუნდის კარში ერთი გოლი ედინ ჯეკომაც გაიტანა და სწორედ ეს გამოდგა მნიშვნელოვანი. ბოსნიელმა შემტევმა „ჯოლოროსის“ მაისურით ევროტურნირებზე 29-ედ გამოიჩინა თავი და ამით გუნდის ყველა დროის საუკეთესო ბომბარდირი გახდა. მან ტოტის გადაასწრო.
აქვე ისიც სათქმელია, რომ ედინ ჯეკომ ამის გაკეთება სულ რაღაც 6 წელიწადში შეძლო, ტოტიმ კი მთელი კარიერის მანძილზე.
