საქართველოს სპორტული მედიცინის ასოციაციას მომდევნო ოთხი წლის ვადით, ეროვნული ოლიმპიური ნაკრების მთავარი ექიმი, ზურაბ კახაბრიშვილი უხელმძღვანელებს.
პრეზიდენტის პოსტზე, კახაბრიშვილმა ვალერი ახალკაცი შეცვალა, რომელსაც ორი ვადა ამოეწურა.
სპორტული მედიცინის ასოციაციის საარჩევნო-საანგარიშო ყრილობა, პანდემიისა და უსაფრთხოების ზომებიდან გამომდინარე, ნახევრად ონლაინ რეჟიმში გაიმართა, ვინაიდან დელეგატების ნაწილი კლინიკებსა და სხვადასხვა სპორტულ ნაკრებებში მუშაობს.
ზურაბ კახაბრიშვილის კანდიდატურას მხარი დელეგატებმა ერთხმად დაუჭირეს. სპორტული მედიცინის ასოციაციის ვიცე პრეზიდენტის პოსტებს თამარ სვანიშვილი, ხათუნა საგანელიძე და გიორგი ობგაიძე დაიკავებენ, ხოლო გენერალური მდივნის თანამდებობას, ყოფილი პრეზიდენტი – ვალერი ახალკაცი.
ოლიმპიური ნაკრების მთავარ ექიმს, სპორტული მედიცინის ასოციაციის პრეზიდენტობის პოსტზე კონკურენტი არ ჰყოლია.
