დიეგო სიმეონე: ფეხბურთში რისკი აუცილებელია

ლა-ლიგის 26-ე ტურში, ცენტრალური მატჩი მადრიდში, „ვანდამეტროპილიტანოზე“ გაიმართა, სადაც „ატლეტიკომ“ პრინციპულ მეტოქეს და საძულველ „რეალს“ უმასპინძლა და ფრედ 1:1 ითამაშა.

„როხიბლანკო“ მოგებასთან ძალიან ახლოს იყო. პირველ ტაიმში ლუის სუარესის გათანილ გოლს, სამეფო გუნდიდან მატჩის ბოლო წუთებზე ქარიმ ბენზემამ უპასუხა.

„ატლეტიკოს“ მთავარი მწვრთნელი დიეგო სიმეონე თვლის, რომ მისი გუნდი მოედანზე დამაჯერებლად გამოიყურებოდა.

„თავს შესანიშნავად ვიცავდით, კონტრშეტევებზეც ხშირად გადავდიოდით და ბევრი მომენტიც შევქმენით, მაგრამ მხოლოდ ერთი გამოვიყენეთ. საბოლოოდ სწორედ ეს ფაქტორი აღმოჩნდა გადამწყვეტი იმაში, რომ 3 ქულა გავანიავეთ. თუ ვერ გაიტან, აუცილებლად გაგიტანენ და დაისჯები.

ფეხბურთში აუცილებლად ბოლომდე უნდა დაიხარჯო და ხანდახან გარისკო, წინააღმდეგ შემთხვევაში მეტოქე აუცილებლად გაგიტანს და გაგითანაბრებს. 1:0 მინიმალური უპირატესობაა და ის შეიძლება თვალს და ხელს შუა გაქრეს.

ჩემპიონობა? ჯერ ამაზე საუბარი ნაადრევია. წინ არაერთი მნიშვნელოვანი მატჩი გველის“ – აღნიშნა დიეგო სიმეონემ.