საფრანგეთის ნაკრების ყოფილ ფეხბურთელი რომ არაერთ ცუდ საქციელშია შემჩნეული და ამის გამო მას მართლმსაჯულებასთან სერიოზული პრობლემები აქვს ბევრჯერ ითქვა და დაიწერა. ის, რომ თანაგუნდელ ვალბუენას აშანტაჟებდა და სანაცვლოდ დიდძალი თანხის გამოძალვას ცდილობდა, ესეც არახალი ამბავია. მადრიდის „რეალის“ ფეხბურთელის წინააღმდეგ ამ საქმეზე გამოძება ახლიდან დაიწყო და შესაძლოა ბენზემას ვირის აბანოში 5 წელი მოუხდეს ყურყუტი.
ამასობაში კი საფრანგეთის ნაკრების მთავარი მწვრთნელი დიდიე დეშამი კიდევ ერთ სკანდალურ განცხადებას აკეთებ, რომელიც ასევე ქარიმ ბენზემას უკავშირდება, თუმცა ამჯერად სამეფო გუნდის ფეხბურთელი ამ საქმეში მარტო არ ფიგურირებს. დეშამი მასთან ერთად ჰატემ ბენ არფასაც ადანაშაულებს.
დიდიე დეშამი ვრცელ კომენტარს პოპულარულ ესპანურ გამოცემა Marca-სთან აკეთებს:
„ცხოვრება მხოლოდ კარგი მოგონებებით სავსე არ არის. უამრავი ნეგატიური რამაც ხდება, რომელსაც დრო ვერ კურნავს. შესაძლოა, ესა თუ ის ამბავი წლების შემდეგ ისეთი მტკივნეული აღარ იყო, მაგრამ მას მაინც ვერასდროს დაივიწყებ.
ქარიმ ბენზემა ნაკრებიდან მხოლოდ იმ გახმაურებული ამბის გამო არ მომიკვეთავს. არის კიდევ ერთი სერიოზული მიზეზი, რის გამოც ამ გადაწყვეტილებას არ ვცვლი.
ერთხელ ბენზემა და ბენ არფა სახლში მომივარდნენ და ოჯახთან ერთად საშინელი შეურაცმყოფელი სიტყვებით მამკობდნენ. ისინი ჩემს ოჯახს დაესხნენ თავს. სასამართლოში კი ვუჩივლე, მაგრამ რატომღაც სარჩელი არ დააკმაყოფილეს. ბენზემა და ბენ არფა, სანამ მე ნაკრებში ვარ, გუნდში ვერ ითამაშებენ“ – ამბობს დიდიე დეშამი.
