მნიშვნელოვანი მატჩი ახლოვდება. საქართველოს ფუტზალის ნაკრებს, ევროპის ჩემპიონატის საკვალიფიკაციო ჯგუფურ ეტაპზე მეორე ტურის დაპირისპირება რუსეთის გუნდთან ელის. მატჩის სტატუსს რომ თავი დავანებოთ, რუსეთის ნაკრებთან ჯახს, მითუფრო გუნდურ სახეობებში ჩვენთვის რა პრინციპული ელფერი დაჰკრავს ბევრი ახსნა საჭირო არ უნდა იყოს.
ავთანდილ ასათიანის შეგირდებმა მზადება უკვე დაიწყეს. საქართველოს ფუტზალის ნაკრები ჩრდილოელ მეზობლებს 2 თებერვალს, თბილისში, ოლიმპიურ სასახლეში დაუპირისპირდებიან. ვინც არ იცის, ვეტყვით, რომ რუსეთის ნაკრები ფუტზალში მსოფლიოს ვიცე-ჩემპიონია. ასე რომ, რა დონის ნაკრებთან გვიწევს შეხლა ამით კიდევ ერთხელ მტკიცდება.
ფუტზალში, ევროპის 2022 წლის ჩემპიონატის ნიდერლანდებში გაიმართება, სადაც ჯგუფური ეტაპის 8 გამარჯვებული და 6 მეორეადგილოსანი იასპარეზებს. კიდევ ერთი საგზურის მფლობელის ვინაობა, ჯგუფებში მეორე ადგილზე გასულ რეიტინგის ბოლო ორ ნაკრებს შორის პლეიოფის სისტემით გაირკვევა.
შეგახსენებთ, საქართველოს ფუტზალის ნაკრების მეტოქეები ჯგუფში რუსეთის გარდა, საფრანგეთის და სომხეთის გუნდები არიან. ნიშანდობლივია, რომ ჩვენმა ნაკრებმა სასტარტო მატჩი სტუმრად საფრანგეთის ნაკრებთან არ წააგო და ფრედ 4:4 ითამაშა.
