დღეს ტოკიოს ოლიმპიურ ფიცარნაგზე ძალოსნობაში +109 კილოგრამი წონით კატეგორიაში ათლეტები იბრძოლებენ. რა თქმა უნდა ჩემპიონობის უპირველესი ფავორიტია რიოს ოლიმპიური თამაშების გამარჯვებული, მსოფლიოს ოთხგზისა და ევროპის ხუთგზის ჩემპიონი, ქართველი გოლიათი ლაშა ტალახაძე. 2016 წლის რიოს ოლიმპიადაზე მან 473 კილოგრამით დაიკავა პირველი ადგილი. მაშინ ჩვენებურს 22 კილოგრამით ჩამორჩა სომეხი გორ მინასიანი. 448 კილოგრამით მესამე იყო ირაკლი თურმანიძე.
ამ თამაშებიდან მოყოლებული ტალახაძისა და მინასიანის ორთაბრძოლა ჩვეულებრივ მოვლენად იქცა, თუმცა უნდა ვაღიაროთ, რომ ქართველი ყოველთვის მაღლა იდგა სომეხ სპორტსმენზე.
