ჰოლანდიის ნაკრების ფეხბურთელი კუინსი პრომესი დაპატიმრებულია. ნიდერლანდელმა სამართალდამცავებმა ის ივლისში ჩადენილი დანაშაულისთვის ახლა დააკავეს.
პრომესი, რომელიც 2014-2018 წლებში მოსკოვის „სპარტაკის“ ღირსებას იცავდა, ამჟამად კი ამსტერდამის „აიაქსის“ რიგებში ირიცხება, ადამიანის დაჭრაში არის ეჭვმიტანილი.’
ინციდენტი, ზაფხულში მის სახლში მოწყობილ ოჯახურ წვეულებაზე მოხდა. გამოძიების მიხედვით, პრომესს ოჯახის ერთ-ერთ წევრთან სერიოზული უთანხმოება მოუვიდა. წყობიდან გამოსულმა ფეხბურთელმა მას დანა მოუქნია. დაზარალებულმა, სერიოზული ჭრილობა მიიღო და ასევე მუხლიც დაიზიანა.
საბედნიეროდ, კუინსი პრომესის მიერ დაჭრილი მამაკაცი გადარჩა, თუმცა მან პოლიციას რატომღაც ერთი თვის წინ მიმართა. სამართალდამცავებმა გამოძიება დაიწყეს და ფეხბურთელი 30 დღის შემდეგ დააკავეს. პრომესს 4 წლიანი პატიმრობა ემუქრება.
კუინსი პრომესმა, ჰოლანდიის ჩემპიონატის მიმდინარე სეზონში „აიაქსის“ რიგებში 12 მატჩის გამართვა მოასწრო და 5 გოლიც გაიტანა.
