სერბეთის ნაკრების 32 წლის ფეხბურთელმა დუშან ტადიჩმა ამსტერდამის “აიაქსთან” კონტრაქტი გაახანგრძლივა. ხელშეკრულება 2024 წლის ზაფხულამდე გაფორმდა.
ნიდერლანდული გუნდის დირექტორმა მარკ ოვერმასმა ამ თემასთან დაკავშირებით მცირე კომენტარი გააკეთა:
“საიდუმლო არ არის, რომ დუშანი ჩვენს გუნდში მნიშვნელოვან როლს თამაშობს. გუნდისთვის, როგორც მოედანზე, ისე მის გარეთ, ის ნამდვილი ლიდერია. ამგვარად ფანტასტიურია, რომ ჩვენ კიდევ დიდ ხანს შევინარჩუნებთ მას აიაქსში. დუშანის ფიზიკური მდგომარეობა იდეალურია და ის უახლოესს წლებში დიდი ძალა იქნება აიაქსისთვის”- განაცხადა ოვერმანსმა
ცნობისთვის, 32 წლის ტადიჩი ამსტერდამული გუნდის ღირსებას 2018 წლიდან იცავს, ამ გუნდის მაისურით 149 მატჩში აქვს მონაწილეობა მიღებული, მის აქტივზე 76 გოლი და 45 ასისტია. გასულ სეზონში აიაქსის კაპიტანი ერედივიზიონის საუკეთესო ფეხბურთელად დაასახელეს.
