ესპანეთისა და საქართველოს ეროვნული ნაკრებების დაპირისპირებამდე 1 დღით ადრე, „ფურია როხას“ ფეხბურთელმა, სერხიო ბუსკეტსმა ოფიციალურ პრესკონფერენციაზე მოახლოებულ შეხვედრაზე ისაუბრა.
„ბოლო წლებში ფეხბურთი ისე განვითარდა, რომ ნებისმიერ გუნდს გამარჯვება კარგი თამაშის გარეშეც შეუძლია. სამწუხაროდ, ასე წარმატების მოპოვებას უკვე ბევრი გუნდი ცდილობს, მაგრამ ჩვენ მხოლოდ საკუთარ თავზე უნდა გავამახვილოთ ყურადღება.
ყველა თამაში განსხვავებულია. ჩვენ ვართ გუნდი, რომელიც კონცეტრაციას ბურთის კონტროლზე აკეთებს და ბევრი ჯარიმის აღება არ გვინდა. წარმატება ბევრ ფაქტორზეა დამოკიდებული, თუმცა ბუნებრივია პერიოდულად შეცდომებიც იქნება.
ჯგუფში მარტივი მდგომარეობა ნამდვილად არ გვაქვს. დამარცხების უფლება უკვე აღარ გვაქვს და შევეცდებით, დარჩენილ შეხვედრებში გამარჯვების მოსაპოვებლად ყველაფერი გავაკეთოთ“, – განაცხადა სერხიო ბუსკეტსმა.
შეგახსენებთ, რომ მსოფლიო ჩემპიონატის საკვალიფიკაციო ეტაპის მე-5 ტურის შეხვედრა ესპანეთისა და საქართველოს ეროვნულ ნაკრებებს შორის 5 სექტემბერს, თბილისის დროით 22:45 საათზე გაიმართება.
ძალიან ბევრი სირთულე გველის – ლუის ენრიკე საქართველოსთან მატჩზე
