საქართველოს ფეხბურთის ფედერაციის ყოველწლიური დაჯილდოება GFF Awards, შარშანდელის მსგავსად, მიმდინარე წელსაც ონლაინ რეჟიმში გაიმართა.
2021 წლის საუკეთესო ახალგაზრდა ფეხბურთელად ბათუმის “დინამოს” მცველი ირაკლი აზაროვი დასახელდა. ახალგაზრდა ფეხბურთელმა ჯილდოს მოპოვების შემდეგ მედიასთან მცირე კომენტარი გააკეთა:
“რა თქმა უნდა ძალიან გამიხარდა საქართველოს საუკეთესო ახალგაზრდა ფეხბურთელად, რომ დავსახელდი. ეს ჩემთვის დიდი პატივია, რა თქმა უნდა ჩემი განვითარებისთვის ყველაფერს გავაკეთებ, რომ შემდეგში მეტი და მეტი დიდი ჯილდოები მოვიპოვო.” – განაცხადა ირაკლი აზაროვმა.
2021 წელს ირაკლიმ საქართველოს ნაკრებში 6 შეხვედრაში 2 საგოლე გადაცემა შეასრულა.
19 წლის ფეხბურთელი ბათუმის “დინამოსთან” ერთად საქართველოს ჩემპიონი გახდა, ირაკლიმ ზღვისპირელთა მაისურით ჩატარებულ 42 შეხვედრაში 4 გოლი გაიტანა და 5 საგოლე გადაცემა შეასრულა.
