უნგრული „მოლ ფეჰერვარის“ თავდამსხმელი, ბუდუ ზივზივაძე კარიერას „უიპეშტში“ გააგრძელებს. ინფორმაცია ფეხბურთელმა 1TV.GE-სთან დაადსტურა.
ფეხბურთელი ახალ კლუბში იჯარით, სეზონის ბოლომდე ითამაშებს, თუმცა კლუბს მისი გამოსყიდვის უფლება ექნება.
„დღეს მივდივარ ბუდაპეშტში, სადაც „უიპეშტს“ შევუთანხმდი და კონტრაქტს მოვაწერ ხელს. იჯარა სეზონის ბოლომდეა“, – განაცხადა ფეხბურთელმა.
შეგახსენებთ, რომ ზივზივაძე „ფეჰერვარში“ 2020 წლის სექტემბერში გადავიდა. 27 წლის ქართველმა თავდამსხმელმა კლუბში პირველ სეზონში 9 გოლი გაიტანა, მიმდინარე სეზონში კი მას ხშირად თამაშის შესაძლებლობა აღარ ეძლეოდა და 4 შეხვედრაში ორი გოლის გატანა შეძლო.
ცნობისთვის, „უიპეშტში“ კიდევ ერთი ქართველი ფეხბურთელი, გიორგი ბერიძეც თამაშობს.
