ბათუმის “დინამომ” 20 წლის თავდამსხმელი, დავით ზურაბიანი იჯარის წესით ბოლნისის “სიონში” გაანათხოვრა.
ზურაბიანს ბათუმურ კლუბში მხოლოდ 3 მატჩი აქვს ჩატარებული. ის მანამდე თბილისის “დინამოში” ირიცხებოდა, სადაც ერთი შეხვედრა ითამაშა. მისი აჭარულ გუნდში გადასვლა კი მეტი სათამაშო პრაქტიკით იყო განპირობებული. ზურაბიანმა თურქეთში შეკრებაც სრული დატვირთვით გაიარა, რის შემდეგაც “სიონში” გაუშვეს, სადაც 35-ნომრიან მაისურს მოირგებს.
შეგახსენებთ, რომ ეროვნული ლიგის მეორე ტურის ცენტრალურ მატჩში, ბათუმის “დინამომ” “დინამო თბილისი” დამაჯერებლად – 3:0 დაამარცხა.
