რუსთავი 2-ის სპორტულ გადაცემა სპორტის საათში, რაგბის კავშირის ახალმა ვიცე-პრეზიდენტმა ბაჩო ხურციძემ, მომავლის გეგმებზე ისაუბრა.
ერთ-ერთი მთავარი საკითხი, რომელიც რაგბის ქართველ გულშემატკივარს აინტერესებს, ეს საკლუბო ფრენჩაიზის შექმნაა, რომელიც როგორც ჩანს მალე იგეგმება.
„ამ საკუთხზე სხვადასხვა მიმართულებით ვმუშაობთ. ეს არის სამხრეთ აფრიკის მიმართულება, ასევე ევროპა, რომელშიც რაგბი ევროპის საკლუბო ტურნირიც შედის და მასში როგორც ფრენჩაიზით, ისე ჩვეულებრივი გუნდითაც შეიძლება ჩართვა.
არის პრო 14-ის მიმართულებაც, რომელიც რა თქმა უნდა ყველაზე რთულად მისაღწევია. თუმცა ამ მოკლე პერიოდში, სერიოზულ კომპანიებთან ვაწარმოეთ მოლაპარაკებები, ისინი სწორედ ამ საკითხში უნდა დაგვეხმარონ და ვიტყვი, რომ ეს ძალიან რეალისტურია.
შესაძლოა თავიდანვე პრო 14 ვერ მოხერხდეს, თუმცა გეზი სწორედ აქეთკენ უნდა ავიღოთ, ამჯერად ბევრად რეალისტური პირველი ორი ვარიანტია.
ვფიქრობ თამასა მაღლა უნდა ავწიოთ და მაღალი მიზნებისთვის ვიბრძოლოთ, ამას უნდა მოყვეს 6 ერი, თუ ეს ამბიცია არ გვექნება ძალიან გაგვიჭირდება.
მეგობარი კომპანიების დახმარებით, ვაპირებთ 6 ერთან სერიოზული მოლაპარაკებების დაწყებას, იმედიანად ვართ და ვნახოთ რა გამოვა. ბუნებრივია ეს მოკლევადიან მონაკვეთში ვერ მოხდება, ბევრი დეტალია გასათვალისწინებელი, მაგალითად სატელევიზიო კონტრაქტები.“ – განაცხადა ბაჩო ხურციძემ.
