საქართველოს თავისუფალი სტილით მოჭიდავეთა ნაკრების წევრმა ავთანდილ კენჭაძე ოლიმპიური ლიცენზია მოიპოვა. ეს მან უნგრეთის დედაქალაქ ბუდაპეშტში შეძლო, სადაც ოლიმპიადის საკვალიფიკაციო ტურნირი მიმდინარეობს.
ავთანდილმა ნახევარფინალში ბულგარელი ალი პაშა უმარპაშაევი დრამატულ ბრძოლაში დაამარცხა. ბულგარელი თავიდანვე 6:0 დაწინაურდა, თუმცა, ქართველმა მოჭიდავემ შეხვედრაში გარდატეხის შეტანა მოახერხა. ავთანდილმა საპასუხო 2 ქულა მიითვალა, მალევე კიდევ ერთი ილეთით ანგარიში 4:6 გახადა და იქვე მეტოქის შებოჭვაც შესძლო, რისი წყალობითაც წმინდა გამარჯვება გაიფორმა.
კენჭაძემ ფინალამდე გზის პირველ წრეში, უკრაინელი დენის პავლოვი 14:4 დაამარცხა, მერვედფინალში სომეხ ჰრაირ ალიხანიანს 10:2 სძლია, მეოთხედფინალში კი ბერძენ გეორგიოს კუგიუმციდისს 14:9 მოუგო. გადამწყვეტი კი ზემოთ ხსენებულ ალი პაშა უმარპაშაევთან ნახევარფინალში გამარჯვება გამოდგა, რადგან ამ მოგებით მან ოლიმპიადის საგზური გაინაღდა.
ხვალ გასამართ ფინალში კენჭაძე აზერბაიჯანელ ხაჯიმურად გაჯიევს შეერკინება და ოლიმპიურ ლიცენზიას ოქროსაც დაუმატებს.
