გამოცემა Tennishead-თან გაკეთებულ კომენტარში, ATP-ის პრეზიდენტმა ანდრეა გაუდენციმ, თანამედროვე (და არა მარტო) ჩოგბურთის დიდ სამეულზე ისაუბრა.
ის დარწმუნებულია, რომ ჩოგბურთიდან შვეიცარიელი როჯერ ფედერერის, ესპანელი რაფაელ ნადალის და სერბი ნოვაკ ჯოკოვიჩის წასვლის შემდეგ, ჩოგბურთი კრიზისში არ აღმოჩნდება.
ჩოგბურთის თამაში მაშინ დავიწყე, როცა პიტ სამპრასი და ანდრე აგასი დომინირებდნენ.
მაშინ ბევრი ამბობდა, რომ მათი წასვლის შემდეგ ჩოგბურთი ვერ გადარჩებოდა, მათთან გათანაბრება ძალზე რთული იქნებოდა.
„დიდი სამეულის“ ხანა დიდი ალბათობით მალე დასრულდება. რა თქმა უნდა, ისინი დაგვაკლდებიან, თუმცა ჩოგბურთში ახალი ვარსკვლავები მაინც იბადებიან.
სპორტში ყოველთვის ჩნდება ახალი ბრწყინვალე დაპირისპირებები, – განაცხადა გაუდენციმ.
შეგახსენებთ, რომ როჯერს და რაფას დიდი სლემი 20-20-ჯერ აქვთ მოგებული, ხოლო ჯოკოვიჩს 17-ჯერ.
