ფიფას პრეზიდენტი, ჯანი ინფანტინო 2022 წლის მსოფლიო ჩემპიონატის საკვალიფიკაციო ეტაპზე, ბრაზილიისა და არგენტინის ნაკრებების ჩაშლილ მატჩს გამოეხმაურა:
„ყველამ ვნახეთ, რაც მოხდა ბრაზილიისა და არგენტინის ნაკრებების თამაშისას, არადა, ესენი სამხრეთ ამერიკის ყველაზე გამორჩეული გუნდები არიან. ვიღაც ჩინოვნიკები, პოლიციელები და უსაფრთხოების სამსახურის წარმომადგენლები მატჩის დაწყებიდან რამდენიმე წუთში მინდორზე გამოჩნდნენ, რათა რამდენიმე ფეხბურთელი წაეყვანათ. ეს სრული სიგიჟე იყო, თუმცა, ასეთი პრობლემებიც უნდა გადავწყვიტოთ. ამგვარი რაღაცეები, ალბათ, მხოლოდ პანდემიის დროს შეიძლება მოხდეს“, – აცხადებს ინფანტინო.
შეგახსენებთ, მატჩი დაწყებული იყო, როდესაც მოედანზე ბრაზილიის ჯანდაცვის მარეგულირებელი სააგენტოს და ფედერალური პოლიციის წევრები შეიჭრნენ. მიზეზი კი არგენტინელების მხრიდან, კორონავირუსთან არსებული რეგულაციების დარღვევა გახდა. დიდი ბრიტანეთიდან ბრაზილიაში შესულ პირებს სავალდებულო კარანტინი უნდა გაეარათ, რაც არგენტინულმა მხარებ არ გაითვალისწინა.
