არგენტინის ეროვნული ნაკრების კაპიტანმა, ლეო მესიმ კოპა ამერიკის მოგებაზე ისაუბრა:
,,ბევრი წლის განმავლობაში ამ ტიტულის მოგებასთან ახლოს ვიყავით და ვიცოდი, რომ ერთ დღესაც ეს მოხდებოდა. კოპა ამერიკის მოგება ბრაზილიაში ბრაზილიის ნაკრების დამარცხებით შევძელით. ბედნიერებას, რომელსაც ახლა ვგრძნობ წარმოუდგენელი და ყოვლისმომცველია, რადგან აქამდე წაგებისა და იმედგაცრუების მოთმენა მომიწია.
უკეთესი მომენტი არ არსებობს. ამ გუნდმა მოგება ნამდვილად დაიმსახურა. ჩვენ ყველანი ბედნიერები ვართ,” – მესის სიტყვებს არგენტინული მედია ციტირებს.
შეგახსენებთ, რომ კოპა ამერიკის ფინალურ შეხვედრაში არგენტინამ ბრაზილია ანხელ დი მარიას ერთადერთი გოლით 1:0 დაამარცხა და ტიტული ისტორიაში მეთხუთმეტედ მოიგო.
