მართალია, ისეთი კაშკაშა ვარსკვლავი არა, როგორც როჯერ ფედერერია, მაგრამ წლევანდელმა ავსტრალიის ღია პირველობამ კიდევ ერთი ჩოგბურთელი მოისაკლისა. მელბურნში ჩასვლას და ჩოგნის ქნევას ჯონ ისნერი აღარ აპირებს. აყლაყუდა ამერიკელმა ჩათვალა, რომ იმ პირობებში, როგორშიც წლის პირველი დიდი სლემის ტურნირის ჩატარება იგეგმება, მას დიდი დისკომფორტს შეუქმნის.
„ეს გადაწყვეტილება ბევრი ფიქრის შემდეგ მივიღე. რომ გითხრათ ვნანობთქო მოგატყუებთ. მივედი დასკვნამდე რომ ასე აჯობებს, ამიტომ თავს მშვენივრად ვგრძნობ და სახლში დასაბრუნებლად ვემზადები“ – აღნიშნა ჯონ ისნერმა.
ამერიკელმა ჩოგბურთელმა, ახლახანს დელრეი ბიჩის ტურნირზე მოსინჯა ძალები და 1/4 ფინალში თანამემამულე სებასტიან კორდასთან წააგო.
შეგახსენებთ, წლევანდელი ავსტრალიის ღია პირველობა მელბურნში 8 თებერვალს დაიწყება.
