თბილისის „დინამოს“ ყოფილი მწვრთნელი და ამჟამად ინგლისური „უოტფორდის“ დამრიგებელი, ჩისკო მუნიოზი თბილისური კლუბიდან წასვლის შემდეგ პირველ კომენტარს აკეთებს.
ესპანელ სპეციალისტთან ჩაწერილ ინტერვიუს „უოტფორდის“ ოფიციალური ვებ-გვერდი ავრცელებს, სადაც ჩისკო შთაბეჭდილებებსა და სამომავლო გეგმებზე საუბრობს.
„ძალიან ბედნიერი ვარ აქ ყოფნით. ეს არის განვითარების ძალიან კარგი შანსი ძალიან კარგ კლუბში. მინდა ამ სიტუაციით დავტკბე და რაც შეიძლება მალე ბიჭებთან მუშაობა დავიწყო. ახლა უბედნიერესი ადამიანი ვარ.
რაც შეეხება კლუბს, გყავს ძალიან კარგი ფეხბურთელები, გულშემატკივრების მხრიდანაც კარგი მხარდაჭერა ვიგრძენი და ერთი სული მაქვს სამუშაოს როდის შევუდგები. ქომაგებს ვპირდები, რომ კლუბში ბოლომდე დავიხარჯები და წარმატებისთვის თავს არ დავზოგავ. კლუბის მიზანი ყველა თამაშში ბოლომდე ბრძოლა და გამარჯვება იქნება.
ცხოველივით ბრძოლას ვაპირებ. მხოლოდ ამით შევძლებთ წარმატების მიღწევას. მე ამ კლუბთან ვალში ვარ და გპირდებით, რომ 100%-ით დავიხარჯები. ზუსტად ვიცი ახლა რა სიტუაციაა და კლუბს რა სჭირდება.
მე მთელი ცხოვრება გამარჯვებულის მენტალიტეტით დავდივარ და კარიერის განმავლობაში საკმაოდ ბევრი ტიტული მოვიგე. თუმცა, ამას მნიშვნელობა აღარ აქვს, მთავარი გამოცდილება გამარჯვებაა.
მაშინაც კი, როდესაც ფეხბურთელი ვიყავი, ჩემი როლი მწვრთნელისას ჰგავდა. გამოცდილებას, რომელსაც მრავალი წლის მანძილზე ვაგროვებდი, ერთ რვეულში ვაერთიანებდი. ასე რომ ვფიქრობ, აქ ყოფნისთვის საკმარისი გამოცდილება დამიგროვდა“, – განაცხადა ჩისკომ.
შეგახსენებთ, რომ ჩისკომ თბილისის „დინამო“ პირველად 2019 წელს ჩაიბარა, რა დროსაც კლუბს საქართველოს ჩემპიონატი მოაგებინა. ესპანელი სპეციალისტი საქართველოს ყველაზე ტიტულოვან კლუბს 2020 წლის ზაფხულში დაუბრუნდა და კლუბთან ერთად ეროვნული ლიგა კიდევ ერთხელ მოიგო. რამდენიმე დღის წინ, ის ინგლისის ჩემპიონშიფში მოასპარეზე „უოტფორდის“ მთავარი მწვრთნელი გახდა, „დინამოში“ კი მის შემცვლელად, გიორგი ნემსაძე დაინიშნა.
“It doesn’t matter about experience. My experience is being a winner. I have been a winner all my life and won everything in my playing career. This is my character. Sometimes experience is about winning. Some have experience for 10 years and won nothing.”
🙌 Xisco Muñoz 🙌
— Watford Football Club (@WatfordFC) December 22, 2020
