ჩემპიონთა ლიგის მიმდინარე სეზონი თანამედროვეობის და ალბათ ზოგადად საფეხბურთო სამყაროს ორი მონსტრის – კრიშტიანო რონალდუს და ლიონელ მესის გარეშე გაგრძელდება. ტურინის „იუვენტუსი“ და „ბარსელონა“ ევროპის ყველაზე პრესტიჟულ საკლუბო ტურნირს მერვედფინალური ეტაპიდან გამოეთიშნენ.
ჩემპიონთა ლიგის მეოთხედფინალი ერთბაშად პორტუგალიელი და არგენტინელი სუპერვარსკვლავების გარეშე ალბათ ფეხბურთის გულშემატკივრებისთვის უჩვეულო რამ არის, მაგრამ ადრე თუ გვიან ხომ ყველაფერი ხდება ან მეორედება.
მოკირკიტე სტატისტიკოსებმა დაადგინეს, რომ მსგავსი ფაქტი ჩემპიონთა ლიგაზე ბოლოს 2005/2006 წლების სეზონში დაფიქსირდა. მაშინ კრიშტიანო რონალდუ „მანჩესტერ იუნაიტედის“ ღირსებას იცავდა და ალექს ფერდგიუსონის შეგირდებიც 1/8 ფინალში იტალიურ „მილანს“ დაეჩაგვრინნენ. რაც შეეხება მესის, მისი „ბარსელონა“ ლონდონის „ჩელსისთან“ გამოვარდა.
ამრიგად, პირველად 16 წლის შემდეგ, ჩემპიონთა ლიგის 1/4 ფინალური ეტაპი რონალდუს და მესის გარეშე ჩაივლის.
