ლონდონის “ჩელსი” მზადაა, დორტმუნდის “ბორუსიას” ფორვარდის ერლინგ ჰალანდის შესაძენად ამ ზაფხულს სოლიდური თანხა გაიღოს. ინგლისური კლუბის მფლობელმა, რუსმა მილიარდელმა რომან აბრამოვიჩმა 20 წლის ნორვეგიელი შესაძენად შესაძენად 175 მილიონი ევრო გამოყო.
ჰალანდის ყიდვა აბრამოვიჩის დაჟინებული მოთხოვნაა, რომელიც ახალგაზრდა ფეხბურთელის დიდი თაყვანისმცემელია. ჩელსის მფლობელს მისი მიწვევა იმდენად სურს, რომ გუნდის თავდასხმის ხაზის გასაძლიერებლად სხვა ალტერნატიული ვარიანტების განხილვაც კი არ სურს.
თუკი ერლინგ ჰალანდთან დაკავშირებით ინგლისურ და გერმანულ კლუბებს შორის შეთანხმება ამ ფასად შედგა, ეს ფეხბურთის ისტორიაში მეორე ყველაზე ძვირფასი ტრანსფერი იქნება. ამ დრომდე რეკორდი 222 მილიონ ევროს სანაცვლოდ, ბარსელონიდან პარი სენ-ჟერნემში ნეიმარის გადასვლას ეკუთვნის. ამასთან, ერლინგის დორტმუნდიდან ჩელსიში ტრანსფერი ბუნდესლიგის ისტორიაში რეკორდულად ძვირი იქნება.
