მსოფლიო ჩემპიონატის საკვალიფიკაციო ეტაპის მესამე ტურში საქართველოს ნაკრებმა სალონიკში საბერძნეთის წინააღმდეგ ფრედ ითამაშა და პირველი ქულაც აიღო.
შედეგით დიდად კმაყოფილი არ დარჩა, ელადელთა ერთ-ერთი გამორჩეული ფეხბურთელი კირიაკოს პაპადოპულოსი. ბერძენთა მცველი ჯვაროსნებს აქებს და ამბობს, რომ მეტოქემ კარგი შთაბეჭდილება დატოვა.
„იმედგაცრუებულია ვარ, რადგან დავწინაურდით, მაგრამ გამარჯვება მაინც ვერ მოვიპოვეთ. კი, გოლის ეპიზოდში გაგვიმართლა, თუმცა ეს ფეხბურთია.
სამწუხაროდ, ის რაც დაგეგმილი გვქონდა არ გამოგვივიდა. ამის საშუალება მეტოქემ არ მოგვცა. მინდა გულწრფელად ვთქვა, რომ საქართველოს ნაკრები კარგი გუნდია.
გოლი მეტოქე ფეხბურთელის არაჩვეულებრივი თამაშის და ჩვენი დაცვის შეცდომის გამო გავუშვით. შეცდომები კი ფეხბურთის თანმდევი ნაწილია და ხდება. წინ კიდევ არაერთი მატჩია.
ჩვენ ბოლომდე ვიბრძოლეთ და დავიხარჯეთ. ოპტიმისტი ადამიანი ვარ და მომავალსაც იმედის თვალით ვუყურებ“ – აღნიშნა კირიაკოს პაპადოპულოსმა.
