საქართველოს ეროვნული ლიგის მეოთხე ტურის ბოლო შეხვედრაში „დინამო არენაზე“ ლოკომოტივმა შუქურას უმასპინძლა და 2:0 მოუგო.
„რკინიგზელებმა“ თამაში საკმაოდ აქტიურად დაიწყეს. საწყის 10 წუთში თბილისელებმა მეტოქეს ორი გოლი გაუტანეს, თუმცა ორივე გოლი თამაშგარე მდგომარეობის გამო გაუქმდა – გოლები ირაკლი სიხარულიძემ და თორნიკე კირკიტაძემ გაიტანეს.
აღსანიშნავია, რომ კირკიტაძის გოლი 100%-იანი იყო და გვერდითმა მსაჯმა შეცდომა დაუშვა. ორი რეალური მომენტი სტუმრებსაც ჰქონდათ, თუმცა საბოლოოდ, ტაიმი უგოლოდ დასრულდა.
ლოკომოტივმა მეორე ტაიმიც აქტიურად დაიწყო. 48-ე წუთზე კუთხურიდან ჩახვევას ულად ომარ იმრანი ცდილობდა – ბურთი ძელს მოხვდა. ორ წუთში თბილისურმა კლუბმა კიდევ ერთი კუთხური მოაწოდა – საჯარიმოში ყველას გურამ კაშიამ დაასწრო, თუმცა მისი დარტყმული ხარიხას მოხვდა.
ლოკომოტივმა მიზანს 59-ე წუთზე მიაღწია: კარგი დრიბლინგის ხარჯზე ლამაზი გოლი თბილისელთა ლეგიონერმა ომარ იმრანმა გაიტანა. მალევე, 5 წუთში თავისი გოლი ბექა დარცმელიამაც გაიტანა. შუქურამ ერ/ტი გოლი 93-ე წუთზე გაქვითა.
ამ გამარჯვებით თბილისურ კლუბს 7 ქულა დაუგროვდა და მეოთხე ადგილზეა. ამდენივე ქულა აქვს მესამეადგილოსან დინამოს, ეროვნულ ლიგას კი ხოლო გორის დილა და ბათუმის დინამო 10-10 ქულით ლიდერობენ.
