ესპანეთის თასის ნახევარფინალის საპასუხო მატჩში, “ვალენსია” საკუთარ მოედანზე ბილბაოს “ატლეტიკს” დაუპირისპირდა და დაძაბულ ბრძოლაში, მინიმალური სხვაობით – 1:0 დაამარცხა.
აღნიშნულ მატჩში ხოსე ბორდალასმა გიორგი მამარდაშვილს “ღამურების” კარი ზედიზედ მეექვსედ ანდო. მამარდამ რამდენიმე ეფექტური სეივები შეასრულა და კარიც მშრალად შეინახა. აღსანიშნავია, რომ გიორგი მთელი თამაშის განმავლობაში ყველაზე დამაჯერებელი იყო.
მატჩის დასრულების შემდეგ, “ვალენსიას” გულშემატკივრებმა სოციალურ ქსელში ქართველი მეკარისადმი საქებარი სიტყვები არ დაიშურეს, რასაც “პრაიმ სპორტი” უცვლელად გთავაზობთ.
“ვფიქრობ, ბორდალასმა მამარდაშვილი სწორ დროს მოიყვანა გუნდში. მან გასახდელის სიტუაცია ყველაზე კარგად იცის. გიორგის ნდობა დაუბრუნდა და ეს მაფიქრებინებს, რომ მწვრთნელმა მასთან ბევრი იმუშავა. მამარდას შეუძლია მსოფლიო დონის მეკარე გახდეს”.
“მგონი, სილესენის წასვლის დროა. ახლა მესტალიას კარს გიორგი მამარდაშვილი იცავს. ნიდერლანდელის დაბრუნების შემთხვევაშიც, მამარდას სასტარტოში ადგილი გარანტირებული აქვს”.
“მესტალიას მაგარი მეკარე ჰყავს. ის ამ ყველაფრისთვის მზად არის. მამარდაშვილმა ფანტასტიკური მატჩი ჩაატარა”.
“ბევრჯერ უნდა ვნახო ის მომენტი, როცა მამარდაშვილმა უილიამსს გატანის საშუალება არ მისცა. ტრიბუნებიდან საოცრად ამაღელვებლად ჩანდა”.
“რატომ არ საუბრობთ მამარდაშვილს რა დაცვის ფონზე უწევს საქმის კეთება?! ვერ ვიჯერებ, რომ ეს მეკარე 1 მილიონ ევროდ ვიყიდეთ”.
“თუ იმ დონეს შეინარჩუნებს, რაც ბილბაოსთან აჩვენა, ის უკონკურენტოა”.
