დღეს, ინგლისის პრემიერლიგაში მატჩები გაიმართა, სადაც ფეხბურთელებმა და გულშემატკივრებმა უკრაინას სოლიდარობა გამოუცხადეს.
დავიწყოთ იმით, რომ “ბრაიტონისა” და “ასტონ ვილას” თამაშზე გულშემატკივრებმა უკრაინის დროშა გადმოფინეს, ასევე მოწოდება – “არა ომს”.
შემდეგ, “ასტონ ვილას” მცველმა, მეტი ქეშმა გატანილი გოლი პოლონეთის ნაკრებში და კიევის “დინამოში” მოთამაშე ტომაშ კეძიორასა და მის ოჯახს მიუძღვნა.
“ელანდ როუდზე” “ლიდსისა” და “ტოტენჰემის” ფანებმა უკრაინას მხარდაჭერა გამოუცხადეს.
ასევე, “ოლდ ტრაფორდზე” “მანჩესტერ იუნაიტედისა” და “უოტფორდის” შეხვედრაზე მისულმა გულშემატკივრებმა ტრიბუნები უკრაინის დროშებით გააფორმეს.
