უკრაინის ნაკრების ყოფილმა ფეხბურთელმა და მთავარმა მწვრთნელმა, ანდრეი შევჩენკომ თავის სამშობლოს გაერთიანებისკენ მოუწოდა.
“უკრაინა ჩემი სამშობლოა. მე ყოველთვის ვამაყობ ჩემი ხალხით და ქვეყნით! ჩვენ გავიარეთ ბევრი რთული პერიოდი და განვლილ 30 წელიწადში ჩამოვყალიბდით როგორც გულწრფელი, შრომისმოყვარე და თავისუფლებისმოყვარე ქვეყანა. ეს არის ჩვენი მთავარი მიღწევა! დღეს მძიმე დროა ყველა ჩვენგანისთვის. უნდა გავერთიანდეთ… ერთობით აუცილებლად გავიმარჯვებთ, დიდება უკრაინას!”, – წერს შევჩენკო სოციალურ ქსელში.
ცნობისთვის, ანდრეი შევჩენკო სხვადასხვა დროს “კიევის დინამოში”, “ჩელსიში” და “მილანში” თამაშობდა.
შევჩენკო ბოლოს “ჯენოას” წვრთნიდა, მანამდე კი უკრაინის ეროვნულ ნაკრებს ავარჯიშებდა.
