უზბეკეთის საუკეთესო კლუბი ტაშკენთის ფახთაქორი, შოთა არველაძის წასვლის შემდეგ, მთავარი მწვრთნელის გარეშე დარჩა.
Championat.asia კი საკმაოდ საინტერესო ცნობას ავრცელებს, ტაშკენთური გუნდი შესაძლოა, კვლავ ქართველმა მწვრთნელმა ჩაიბაროს.
წყაროს ინფორმაციით, ამ თანამდებობაზე ფახთაქორის ხელმძღვანელობის ერთ-ერთი ფავორიტი, საქართველოს ნაკრების ყოფილი დამრიგებელი 52 წლის კახა ცხადაძეა.
ცხადაძეს, სამწვრთნელო კარიერაში ზემოთხსენებულის გარდა, თბილისური დინამო, თბილისის ლოკომოტივი, ბოლნისის სიონი, ბაქოს სტანდარტი, ბაქოს ინტერი და საქართველოს 19 წლამდე ნაკრები გაუწვრთნია, 2016 წლიდან კი ყაზახეთში მოღვაწეობდა, სადაც ჯერ ქაირათის, 2018 წლიდან კი ორდაბასის მთავარი მწვრთნელი იყო.
2020 წლის სეზონის დასრულების შემდეგ, ცხადაძემ და მისმა ასისტენტმა, გიორგი ჩიხრაძემ ორდაბასი დატოვეს.
