სატრანსფერო ფანჯრის ბოლო დღეებში “ჰალ სიტიმ” რეიგან სლეიტერი, ალაჰიარ საიდმანეში, მარკუს ფორსი და ლიამ უოლშკი შეიძინა.
ინგლისური გუნდის მთავარმა მწვრთნელმა მედიასთან სხვადასხვა თემებზე ისაუბრა:
„ჩვენ ცოტა უფრო გავძლიერდით ამ ოთხი შენაძენით და მეტი არჩევანი გვაქვს. იანვარში ტრანსფერების განხორციელება ადვილი არასდროს არის. დღის ბოლოს, კმაყოფილი ვარ გუნდში მეტი მოთამაშის ყოფნით. ჯერ კიდევ ბევრი თამაში გვაქვს და მჯერა, რომ გავძლიერდებით.”
„გაკვირვებული ვარ საიდმანეშის სწრაფი ადაპტაციის უნარით.
მე ვნახე, რომ ის ძალიან აქტიურად გამოიყურებოდა ბიჭებთან პირველ ვარჯიშზე. ჩვენ აქ კარგი ფეხბურთელები გვყავს და ისინი მას კარგად შეხვდნენ. დავინახე, რომ ის იდგა და ესაუბრებოდა ბიჭებს ვარჯიშის შემდეგ და ეს მშვენიერი სანახავია.
მარკუს ფორსი ასევე ჩამოვიდა ბრენტფორდიდან სატრანსფერი ფანჯრის ბოლო დღეს და ამ შაბათ-კვირას სასტარტო შემადგენლობაში ადგილისთვის იბრძოლებს “პრესტონის” წინააღმდეგ.
მან ვარჯიშებზე შესანიშნავი მონაცემები გამოავლინა.
ვფიქრობ, სწორი გადაწყვეტილება მივიღეთ მისი შეძენით. ის არის მოთამაშე, რომელიც გაგვაძლიერებს.” – განაცხადა არველაძემ
ქართველმა მწვრთნელმა ჯეკ უოლშზეც ისაუბრა:
“მას აქვს კარგი შეხება და დრო შუა მოედანზე
მას შეუძლია იგრძნოს, როდის უნდა წავიდეს წინ, როდის დაუთმოს დრო და როდის შეცვალოს მხარე. მან ეს ყველაფერი ჯერ კიდევ ვარჯიშზე აჩვენა. ის ჭკვიანი მოთამაშეა” – განაცხადა არველაძემ.
48 წლის სპეციალისტმა “პრესტონთან” გასამართ შეხვედრაზეც ისაუბრა:
“ქულები უნდა ავიღოთ. ჩვენ გვინდა კარგად ვითამაშოთ და გავიმარჯვოთ კარგად თამაშით, მაგრამ საქმე ქულებს ეხება.
ჩვენმა ოპონენტებმაც შეიტანეს გარკვეული ცვლილებები (რაიან ლოუს დანიშვნასთან ერთად). ის შემოვიდა სხვა შეხედულებით და უნდა ითამაშოს ცოტა მეტი, ვიდრე აქამდე აკეთებდნენ.
ვფიქრობ, ისინი ძალიან ძლიერი გუნდი არიან. ფიზიკურად ძლიერი გუნდი, რომელიც ბოლო წუთამდე აგრძელებს ბრძოლას, რაც ჩემპიონატის უმეტეს გუნდს ჰგავს. ჩვენ მზად ვართ ამისთვის.” – განაცხადა შოთა არველაძემ.
შეგახსენებთ, რომ დღეს “ჰალ სიტი” თბილისის დროით 19:00 საათზე “პრესტონს” უმასპინძლებს.
