შოთა არველაძის „ჰალ სიტიში“ შესაძლო დანიშვნაზე საუბარი ბრიტანულმა პრესამაც აქტიურად დაიწყო. ამ საკითხს ხელს უწყობს ის გარემოებაც, რომ ინგლისური კლუბის აწ უკვე ყოფილი დამრიგებელი, გრანტ მაკანი გუშინ თანამდებობიდან გაათავისუფლეს, უფრო ადრე კი ქართველი სპეციალისტის ახლო მეგობარმა, აჯუნ ილიჯალიმ კლუბის აქციების საკონტროლო პაკეტი შეიძინა.
ადგილობრივი მედიის მტკიცებით, შოთა არველაძე კლუბს კვირის ბოლომდე ჩაიბარებს.
ბოლო ორი თვის განმავლობაში, სანამ ილიჯალი ჰალის მფლობელი გახდებოდა, თურქული პრესა აქტიურად წერდა, რომ ბიზნესმენს კლუბში მთავარმ წვრთნელად შოთა არველაძის დანიშვნა სურდა, გუშინ კი ეს ეჭვები მაკანის გათავისუფლებამაც უფრო გააღვივა.
ასევე, ცნობილი გახდა, რომ 48 წლის ქართველმა სპეციალისტმა ბრიტანეთში შესვლის ვიზაც მიიღო.
რაც შეეხება „ჰალ სიტის“, კლუბი ინგლისის ჩემპიონშიფში მე-19 ადგილზე იმყოფება და ჩემპიონატში ადგილის შენარჩუნებისთვის იბრძვის.
