ბათუმის “დინამოში” ჩემპიონობის შემდეგ დიდი ცვლილებები დაიწყო. ზღვისპირულმა გუნდი ლუკაშ გროცურეკი, ლაშა შინდაგორიძე, გიორგი ნიქაბაძე, მალხაზ გაგოშიძე და გიული მანჯგალაძემ დატოვეს.
შინდაგორიძე “საბურთალოში” დაბრუნდა, სხვა ფეხბურთელები კი სად გააგრძელებენ კარიერას, ჯერჯერობით უცნობია.
გია გეგუჩაძის გუნდმა რამოდენიმე ტრანსფერიც განახორციელა, აჭარულ გუნდს გორის “დილადან” ირაკლი ბიძინაშვილი შეუერთდა. ბათუმური გუნდის შემადგენლობაში სერბი ლეგიონერები მილან რადინი და სტეფან დენკოვიჩიც ჩაირიცხნენ.
არაერთი კლუბი 19 წლის ირაკლი აზაროვის შეძენით დაინტერესებულია, თუმცა როგორც ჩანს აჭარული გუნდის პრიორიტეტი ევროტურნირებზე წარმატებით გამოსვლაა და ისინი ლიდერების შენარჩუნებაზე ზრუნავენ.
ბათუმური კლუბი გაწეული შრომოისათვის ლუკაშ გროცურეკს, ლაშა შინდაგორიძეს, გიორგი ნიქაბაძეს, მალხაზ გაგოშიძეს და გიული მანჯგალაძეს მადლობას უხდის და სამომავლო კარიერაში წარმატებებს უსურვებს.
